fbpx

Gnove edizion dal cors di furlan pai zovins

Ancje chest il CIRF de Universitât dal Friûl al è daûr a organizâ une gnove edizion dal cors di furlan pai students e pai zovins dal Ateneu e par ducj i zovins interessâts a cognossi miôr la ricjece de nestre tiere.

Il percors formatîf al scomençarà cui 23 di Setembar dal 2020 e al larà indenant fin ai 19 di Otubar, ducj i miercus e i lunis, des 2 e mieze aes 5 daspò misdì, par un totâl di 20 oris.
Par garantî la sigurece di ducj i partecipants, lis lezions si fasaran in linie, su plateforme informatiche Microsoft Teams (une volte fate la iscrizion, ai partecipants ur vignaran dadis lis credenziâls par acedi al cors).

Il program al previôt elements di fonde di grafie e di gramatiche furlane, nozions di culture e di storie dal Friûl e une voglade sui strument informatics plui doprâts (GDBTF, coretôr ortografic, tastiere furlane). Cun di plui, vie pes lezions a vignaran presentâts ancje i ents principâi pe promozion de lenghe e de culture furlanis, ven a stâi la Agjenzie Regjonâl pe Lenghe Furlane (ARLeF), la Societât Filologjiche Furlane e la Cooperative Informazione Friulana/Radio Onde Furlane, che a colaborin ae iniziative.

A ducj i iscrits ur vignarà dât un atestât di partecipazion. Pai fantats des superiôrs e je la pussibilitât di vê il ricognossiment dai credits formatîfs pe ativitât extrascolastiche.

Par vê informazions e par notâsi si pues clamâ il CIRF al numar 0432/556480 o ben mandâ un messaç di pueste eletroniche a sportel.furlan@uniud.it.
Plui detais sul sît istituzionâl www.cirf.uniud.it o su la pagjine Facebook Uniud par Furlan.

Consulte i materiâi

Ogjet Cjale
Volantin dal cors pai students 2020


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304