Bant pai Ents locâi cun scjadince ai 21 di Març
La ARLeF – Agjenzie Regjonâl pe Lenghe Furlane e sosten, cun 35 mil euros in totâl, i Ents locâi che a vuelin realizâ events culturâi, in colaborazion cu lis pro loco e altris sogjets publics o privâts cence fins di vuadagn o cun finalitâts mutualistichis, par celebrâ la Fieste de Patrie dal Friûl 2022.
Ancje chest an, il bant al è viert ai Comuns dal Friûl e a chei di lenghe furlane dal Venit (Cint, Concuardie, Fossalte, Gruâr, Puart, San Michêl dal Tiliment e Tei).
A vignaran finanziadis ativitâts tant che:
– events di cualitât che a àn l’obietîf di fâ cognossi la lenghe, la storie e la culture furlanis, di podê fâ ancje online, cjapant dentri in particolâr lis gjenerazions plui zovinis;
– publicazions che a àn l’obietîf di fâ cognossi la lenghe, la storie e la culture furlanis;
– lastris, targhis o insegnis turistichis che a ricuardin personalitâts impuartantis pe conservazion e pal disvilup de identitât furlane.
Lis domandis a varan di rivâ dentri dai 21 di Març dal 2022, dome midiant PEC ae direzion arlef@certgov.fvg.it.
Par plui informazion, si pues telefonâ al 0432 555910, o scrivi a: federica.delpino@regione.fvg.it.
Lei chi sot il bant complet.
Consulte i materiâi
| Ogjet | Cjale |
| Bant pai ents locâi_Fieste de Patrie dal Friûl 2022 |
|
| Model de domande_bant Fieste de Patrie 2022 |
|
