Par celebrâ la zornade dai 3 di Avrîl, inovâl de Fieste de Patrie dal Friûl, la ARLeF- Agjenzie Regiônal pe Lenghe Furlane e clame ducj a colorâ il Friûl (e la rêt) di zâl e di blu, rispietant in maniere rigorose il #joorestiacjase.
L’invît al è di picjâ za dai dîs che a vegnin la bandiere dal Friûl sui barcons e lis teracis, par fâ in maniere che ai 3 di Avrîl lis stradis dal Friûl a sedin vistidis di un trionf di acuilis sul fonts celest.
Mandait lis vuestris fotos cu la bandiere – sul barcon/terace, metude intor o in cualsisei altre maniere che us plasi festezâ la Fieste – a info@sportelfurlan.eu, scrivint non e lûc e a saran publicadis sul Messaggero Veneto e sul sît de ARLeF.
La iniziative de ARLeF e dal Messaggero Veneto e je in colaborazion cul Comun di Udin, l’Istitût Ladin Furlan “Pre Checo Placerean”, La Patrie dal Friûl e il grup Facebook A chi, si scrîf e si rît NOME par furlan e par cjargnel!!!
Se o condividês lis fotos sui vuestris profîi social, visaitsi di doprâ i hashtag #fiestedepatrie2020 e #fûrlabandiere, tagant @ARLeF, @Messaggero Veneto, @furlan.incomun, @istitutladinfurlan, @lapatriedalfriul e @A chi, si scrîf e si rît NOME par furlan e par cjargnel!!!
Buine Fieste de Patrie a ducj i furlans!
