Il risultât de vivarose colaborazion tra la ARLeF e il Mittelfest, che si rinove ancje chest an, al è une gnove, grande prime assolude che, tal 50m dal taramot che al à scjassât il Friûl, e puartarà al public “Era di maggio“: in program par sabide ai 25 di Lui, aes 21.30, al Teatri Verdi di Gurize.
Un spetacul che al sarà une vere esperience imersive, graciis a Alessio Boni, che al darà vôs al test scrit di Flavio Santi, e aes musichis origjinâls di Damiano Drei, eseguidis de Orchestra La Corelli, direzude di Jacopo Rivani. Vôs e musiche, adun, come intune danze, a fasaran jentrâ i spetatôrs intun paisaç sonôr vîf e cinematografic, ancje in graciis de metude in sene curade di Giacomo Pedini, diretôr artistic dal Festival.
Chest percors al mostre che culture e lenghe a puedin contâ la identitât di un popul. Tal cincuantesim dal taramot dal 1976, chest al è un spetacul che al jude ducj a ricuardâ, a tignî cont lis nestris lidrîs, ma ancje a trasmeti aes gnovis gjenerazions il valôr di une comunitât che, dopo di chê tragjedie, e à savût tornâ a jevâsi plui fuarte e unide che no prime.
Cussì al è nassût “Era di maggio”, un viaç – come che al conte il stes autôr – dentri di une zornade normâl che si traformarà intune ecezionâl.
La coproduzion Orchestra La Corelli e Mittelfest2026 in colaborazion cu la ARLeF e conte chel 6 di Mai midiant dai voi di un fantat a pene adolessent. Dut al va indenant come simpri, fin cuant che aes 21.00, il berli dal taramot al scjasse il cidin de sere. Par pôc mancul di un minût infinît la tiere e treme, glotint cuasi 1000 personis e lassantint altris 45 mil dome cuntun sotet di stelis parsore dal cjâf.
🎫Biliets a disposizion achì: https://www.vivaticket.com/it/ticket/era-di-maggio/299429
ℹ️Par altris informazions: https://www.mittelfest.org/spettacolo/era-di-maggio/ o info@mittelfest.org
Consulte i materiâi
| Ogjet | Cjale |
| Biliets spetacul "Era di maggio" |
|
| Par informazions |
|
