Dentri dai 20 di Març il tiermin par partecipâ al concors pes scuelis
Inte suaze de celebrazion de Fieste de Patrie dal Friûl che si ten ai 3 di Avrîl, l’Ufici Scolastic regjonâl, in colaborazion cun ARLeF, al bandìs la Xe edizion dal concors Emozions furlanis in viaç pal teritori, par valorizâ e promovi il patrimoni storic, artistic, culturâl e naturâl dal Friûl.
La iniziative e je vierte aes scuelis de infanzie, primariis e secondariis di prin grât des provinciis di Gurize, Udin e Pordenon. Lis scuelis a podaran inviâ progjets didatics, prodots multimediâi, tescj, poesiis e
composizions in lenghe furlane, fats dilunc dai ultins cuatri agns
scolastics metûts in vore pal insegnament de lenghe, de storie, dal ambient, dal teritori, de culture e des tradizions dal Friûl.
I docents a varan di trasmeti i progjets didatics in lenghe furlane dentri dai 20 di Març dal 2021, adun cu la schede anagrafiche, sedi par pueste al Ufici Scolastic Teritoriâl, in vie Diaz 60 a Udin, o vie mail a parfurlan@gmail.com.
La premiazion dal concors si fasarà domenie ai 11 di Avrîl a Udin, inte suaze des celebrazions uficiâls de Fieste de Patrie dal Friûl.
Achì sot, il regolament complet e la schede par notâsi al concors.
Consulte i materiâi
| Ogjet | Cjale |
| Regolament complet dal concors |
|
| Schede pe iscrizion |
|
