Prorogât ai 8 di Mai il tiermin par partecipâ al concors pes scuelis.
Il tiermin par partecipâ al concors “Emozions furlanis in viaç pal teritori“, promovût dal Ufici Scolastic Regjonâl dal F-VJ in colaborazion cu la ARLeF, al è posticipât ai 8 di Mai dal 2020.
Rivade ae 9e edizion, la iniziative che e celebre l’inovâl dai 3 di Avrîl, Fieste de Patrie dal Friûl, e je vierte aes scuelis de infanzie, primariis e secondariis di prin grât dal Friûl, cul obietîf di valorizâ il patrimoni storic, artistic, culturâl e naturâl dal Friûl.
La premiazion dal concors si fasarà domenie ai 7 di Jugn dal 2020 tal Salon dal Parlament dal Cjistiel di Udin, inte suaze des celebrazions uficiâls de Fieste de Patrie dal Friûl, che sul imprin a jerin previodudis pai 5 di Avrîl dal 2020.
I docents a varan di trasmeti i progjets didatics in lenghe furlane al Ufici Scolastic Teritoriâl, in vie Diaz 60 – Udin, midiant consegne direte, par pueste o vie mail a parfurlan@gmail.com
