Su Radio Spazio 103, e je lade in onde “Contis tal Grimm“, la gnove trasmission radiofoniche di ARLeF e Radio Spazio 103, pai fruts dai 5 ai 10 agns, par scoltâ la innomenade conte dai fradis Grimm “Il lôf e i siet cjavruts” in lenghe furlane.
La flabe, contade in pontadis par trê setemanis, e je stade tornade a elaborâ di pueste e e ven proponude intun formât radiofonic inedit adat a stiçâ la atenzion dai plui piçui.
“Contis tal Grimm” al è un progjet de ARLeF – Agjenzie Regjonâl pe Lenghe Furlane e di Radio Spazio 103. La trasmission e je par cure di Claudio Romanzin, Aida Talliente, Federico Scridel, Christian Pevere e Michele Polo.
Par scoltâ la flabe, cliche achì.
