Il Friûl al è pront par celebrâ la sô identitât cuntun program siôr di iniziativis inmaneadis su dut il teritori.
In ocasion de Fieste de Patrie dal Friûl 2026, plui di 100 Comuns, adun cun associazions e pro loco, a proponin un calendari par ducj, pensât par valorizâ culture, lenghe e tradizions.
A son plui di 150 i events in program: tra conferencis, presentazions di libris, laboratoris par fruts e fantats, spetacui teatrâi, concierts, incuintris di storie e no mancjaran moments di condivision o ocasions par jentrâ te vitalitât de culture furlane e discuvierzi lis propriis lidrîs.
Lis ativitâts a son promovudis di Comuns e associazions in graciis de poie de Regjon F-VJ e de ARLeF, tal ambit dai finanziaments previodûts de Leç regjonâl 6/2015.
Par no pierdi nancje un apontament, si pues consultâ e discjamâ il calendari complet des iniziativis chi sot: il document al è inzornât in timp reâl, cun gnovis datis e events pronts a insiorâ il program.
Consulte i materiâi
| Ogjet | Cjale |
| Calendari dai events sul teritori - Fieste de Patrie dal Friûl 2026 |
|
