fbpx

Bant pai Ents locâi pe Fieste de Patrie dal Friûl 2025

La ARLeF e à publicât il bant 2025 par sostignî lis manifestazions culturâls realizadis dai Ents locâi par celebrâ la edizion n. 48 de Fieste de Patrie dal Friûl.

I fonts metûts a disposizion pal 2025 a son di 50.000,00 euros. A podaran vê acès ai fonts i Comuns che a àn sede legâl intai teritoris des ex provinciis di Gurize, Pordenon, Udin e i siet Comuns furlans de Regjon Venit (Cint, Concuardie, Fossalte, Gruâr, Puart, San Michêl dal Tiliment, Tei).

A saran finanziadis chestis ativitâts:
a. Events di cualitât par fâ cognossi e/o aprofondî lis lenghis, la storie e la culture dal Friûl
b. Realizazion di libris, publicazions, audiovisîfs e prodots musicâi par fâ cognossi e/o aprofondî lis lenghis, la storie e la culture dal Friûl
c. Organizazion di spetacui teatrâi in lenghe furlane
d. Organizazion di spetacui musicâi in lenghe furlane.

Lis ativitâts culturâls a), c) e d) si varà di realizâlis tra i 24 di Març e i 27 di Avrîl dal 2025, invezit chês de letare b) dentri dai 30 di Setembar dal 2025.

Lis ativitâts culturâls a puedin inmaneâlis sedi un ent locâl ugnul che ents agregâts.
A son esclududis lis domandis là che il finanziament domandât al è plui bas di 500,00 euros, e chês là che la spese calcolade amissibil e sedi mancul di 555,56 euros.

Lis domandis a varan di rivâ dentri dai 12 di Fevrâr dal 2025, dome midiant PEC ae direzion: arlef@certgov.fvg.it

Par informazions, contatâ chescj riferiments: 0432 555812, federica.delpino@regione.fvg.it.

Chi sot e je dute la documentazion dal bant, publicade ancje te sezion Publicitât legâl di chest sît.

Consulte i materiâi

Ogjet Cjale
Bant Ents locâi Fieste de Patrie dal Friûl 2025
Domande di contribût (model Word)
Domande di contribût (model PDF)
Regolament "Fieste de Patrie"


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304