Al tache joibe ai 26 di Otubar, aes 17.00, il percors di formazion indreçât ai docents des scuelis primariis inserîts te liste regjonâl.
E vignarà presentade la propueste editoriâl di/in lenghe furlane Anìn!, par cognossi il so implant pedagogjic e lis sôs potenzialitâts.
Tal incuintri in program ai 26 di Otubar su Zoom, la professore Rosalba Perini e presentarà i contignûts dal cors e la metodologjie doprade. Il rest dal percors di formazion, fat di materiâi di aprofondiment e di videolezions, al sarà disponibil su la plateforme Moodle di Docuscuele.
Il cors al è gratuit e al è ricognossût par 21 oris daûr des liniis vuide MIUR cuntun atestât di pueste.
Par notâsi al covente compilâ la schede sul sît www.scuelefurlane.it (achì). La iscrizion e vignarà confermade di une e-mail, cence chest riscuintri la iscrizion no je valevule.
Par vê plui informazions si pues scrivi a info@scuelefurlane.it o clamâ il 0432 501598 – int. 5
