fbpx

“33/16” une serie web inovative par furlan

La gnove serie web in lenghe furlane “33/16”, produsude di Red On Productions in graciis dal finanziament de ARLeF, e à une storie plene di elements che ti cjapin dentri, ma no dome: la sô particolaritât plui grande e je te tecniche des ripresis.

La serie, di fat, e je stade realizade cuntune tecniche de realtât virtuâl dal dut inovative, che e previôt l’ûs di telecjamaris a 360° e dal sun direzionâl: un câs unic tal panorame dai audiovisîfs, che i à za fat vinci premis impuartants tai festival internazionâi di cine.

33/16 e je une serie di fantasience uroniche – scrite di Enrico Maso cu la direzion di Marco Fabro – che e permet al spetatôr di jessi tal mieç de storie tal vêr sens de peraule e lu puarte dret tal 1969, in plene Vuere Frede, te valade di Osôf, dulà che al sucêt alc di une vore, une vore… particolâr!

Stait daûr ae lôr pagjine Facebook par no pierdisi ducj i passaçs de serie, i retrosene e i apontaments di cheste Sierade.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304