Una splendida favella

Cun Flavio Santi, docent te Universitât de Insubrie, e William Cisilino, diretôr de ARLeF

Une produzion ARLeF – Agjenzie regjonâl pe lenghe furlane

Pôc plui di 80 minûts par contâ mil agns di storie de lenghe furlane. Cheste la sfide che Flavio Santi e William Cisilino a àn acetade par rispuindi a domandis tant che: Cuâi sono i popui che a àn dât forme ae lenghe ladine plui orientâl? Cui sono lis feminis e i oms che, za de Ete di Mieç, a àn sielzût di rivendicâ l’ûs de marilenghe par fâ art? Ma soredut: Parcè il furlan isal une lenghe? Dilunc de performance, Santi e Cisilino a àn tocjât i fats che a àn puartât ae nassite dal furlan e al so afermâsi tant che lenghe, piturant un ritrat inedit de lenghe furlane tant che sintesi des culturis che tai secui a àn traviersât il Friûl.

Regjistrade ai 11 di Mai dal 2024 li de Tor di Sante Marie a Udin, te suaze dal Festival Vicino/Lontano.

Credits

Video realizât di: Quasar Corporate
Produtôrs esecutîfs: Giorgio Milocco e Andrea Badin
Operadôrs di riprese: Jonathan Feruglio, Fabrizio Manias e Federico Valente
Montaç: Sara Caruzzi
Color correction e titui: Filippo Di Primio

Grafichis: Anthes
Musichis: “Pantan” di Glauco Venier. Gjavade fûr dal album “L’insium”. 2001
Otimizazion: Mattia Cantarutti – ARLeF

O ringraciìn: Confindustria Udine e Paola Colombo, Fabio Cumini, Adriana Cruciatti, Sabina Pituello, Elena Zanussi