fbpx

video de campagne promozionâl realizade de ARLeF intal 2016 pe sielte dal furlan a scuele

Pavee, la magjie dal furlan

Pavee. La Magjie dal Furlan
La lenghe furlane e je vêr nudriment pal cerviel. Sielç il furlan, sielzilu ancje a scuele

Il video al è il cûr de campagne promozionâl de ARLeF, “Pavee, la magjie dal furlan”, ideade tant che continuazion e disvilup dal progjet “Cressi cun plui lenghis” par promovi il plurilinguisim tai frutins piçui e, soredut, par contâ la lenghe furlane tant che element di ricjece, di scuvierte e di vite.
La campagne e je indreçade a gjenitôrs cun fruts piçui o in etât di scuele che si cjatin devant de sielte de lenghe o des lenghis di insegnâ in maniere direte ai propris fîs o di vê intal percors scolastic.

Il video al conte la storie di une frute che e meteve dongje dutis lis peraulis che e scoltave, lis scriveve suntun sfueut e lis catalogave intal so armaron segret. Fin che un dì… la peraule “Pavee”, in maniere magjiche, e à cambiât l’ordin des robis…
Intes imagjins dal video il procès di aprendiment de frute al è rapresentât di un armaron e dai contignidôrs là che e met dentri in maniere ordenade lis gnovis peraulis che e impare.
A man a man che e met dongje peraulis si slargje la sô cognossince e la sô percezion dal mont.
A pene che il sun “Pavee” al rive ae frute, i sfueuts a cjapin vite. La metamorfosi des peraulis, che si animin e si trasformin in paveis, e à doi significâts: di une bande e rapresente la vitalitât des lenghis, che a cambiin, si evolvin e a ufrissin gnovis pussibilitâts par rapuartâsi cul mont e cun chei altris; di chê altre bande e rapresente la cressite dal frut, che al rive a un nivel di cognossince e di cussience superiôr.
Lis peraulis – e lis lenghis – no son un concet dome interiôr e astrat ma un strument par capî e comunicâ cun chei altris, un element vitâl e magjic pes sôs potenzialitâts incredibilis.

Il video promozionâl al è è stât mandât in ducj i cines des provinciis di Udin, Pordenon e Gurize, su Telefriuli e Udinese Tv.

 

Comitent: ARLeF – Agjenzie Regjonâl pe Lenghe Furlane
Par cure di: Anthes
In colaborazion cun: KinoglazStudio
Regjie: Valentina Biz – KinoglazStudio
Sogjet e tescj: Juri Stefanutti – KinoglazStudio
Interpretis: Benedetta Gava, Cristina Piai
Vôs: Fabiano Fantini
Visual FX: Alessandro Anzola
DOP: Juri Stefanutti
Durade: 33”
Lenghe: talian – furlan
An: 2016

Ducj i video di


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304