Maman!© – 03-10 – SIÔR INVIER

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, zuin, a contin barzaletis e a lein contis.

In cheste pontade: Siôr Invier (10). Siôr Timp al ricêf une letare dal so amì Siôr Invier, che al sta par tornâ. Emozionât pe notizie, al va a cjase di Daria, che e je daûr a fâ i compits cun Chiara, e ur domande di judâlu a preparâ une fieste di benvignût pal amì Invier. Cuant che a àn finît, Daria e Chiara a cjantin la cjançon “Siôr Invier”, e dopo a contin lis lôr barzaletis. Ae fin de zornade, Daria si cjate come ogni dì cun Vigji par contâi de sô zornade.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Tommaso Ravo
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com