fbpx

Pontade dai 23.02.2018 Seconde stagjon

Maman!© – 02-07 – MANGJÌN DUCJ INSIEMI

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Mangjìn ducj insiemi (7). Daria e telefone a Chiara cu la idee di fâi une sorprese a Siôr Timp: lis dôs amiis a decidin di preparâi il gustâ. Chiara e puarte a cjase di Daria i ingredients par fâ un panin che e à viodût fâ a une sô amie: a forme di crot! Ancje Daria e à une sô ricete: une tartine a forme di çus! Sperìn che a Siôr Timp i plasin lis verduris! Cualchidun, massime i fruts, no lis mangje ma al bisugne cerçâ dut cuant che si è in taule, ancje parcè che lis verduris a fasin tant ben, propit cemût che e dîs la cjançon “Mangjìn ducj insiemi” che lis dôs amiis a intonin in spiete di Siôr Timp. Cuant che al rive Siôr Timp, Daria a Chiara a scuvierzin che a lui i plâs la polente e il frico, il salam e la broade, ma nissune verdure; al è ancje tant delicât: par lui il persut al è masse sut, il pomodoro al è acit, la salate e je cence savôr, il formadi al è masse slichignôs. Fossial stât par lui nol varès mangjât nuie, ma lis dôs amiis lu convincin a cerçâ dut e a no pierdi chê ocasion: ae fin, sul so plat a son restâts dome i fruçons pai ucieluts! Daria e conte a Vigji, dute contente, cheste biele storie finide ben.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304