O IMPARI IL FURLAN al è un ebook interatîf studiât par insegnâ la lenghe furlane ai plui piçui. Un imprest bon ancje tant che supuart aeativitât didatiche.
Il progjet al è stât realizât intal 2014 de Societât Filologjiche Furlane, cu la poie de ARLeF.
O IMPARI IL FURLAN ebook al è un jutori interatîf pal insegnament de lenghe furlane ai plui piçui, che al nas de edizion precedente su cjarte, publicade pe prime volte intal 1989. Il test si pues discjamâ a gratis de plateforme iTunes pal sisteme operatîf Apple e al è disponibil in plui lenghis: furlan, talian, inglês e spagnûl.
La publicazion e je facile di doprâ, buine par un aprendiment atîf dal furlan e e je dividude in 25 unitâts didatichis cun 153 esercitazions di diviers grât di complessitât. L’ebook si complete cuntune vuide didatiche, ancje cheste di podê discjamâ in manieredirete di iTunes.
Il prodot al è compatibil cu lis Lavagnis interativis multimediâls (Lim), par garantî ai docents la versatilitât massime intal ûs dal strument, e al da la pussibilitât di creâ percors personalizâts, ma al pues ancje jessi doprât dal frut in plene autonomie.
Consulte i materiâi
| Ogjet | Cjale |
| Discjame O IMPARI IL FURLAN di iTunes |
|
| Discjame O IMPARI IL FURLAN par altris plateformis |
|
