#Europe #Plurilinguisim

ID – Coop

Identitât e cooperativisim in teritoris di insediament di minorancis storichis linguistichis

Austrie e Italie no condividin dome une frontiere intal arc alpin, ma ancje la realtât di minorancis storichis linguistichis.
Il progjet ID-COOP – Identitât e cooperativisim in teritoris di insediament di minorancis storichis linguistichis si è davuelt tra il 2012 e il 2015, inte suaze de programazion INTERREG IV Italie – Austrie, cul obietîf di promovi une union inovative tra cooperativisim e minorancis storichis linguistichis par miorâ la competitivitât dai teritoris.

La Academie Europeane di Bolzan (EURAC) e je stade a cjâf dai partecipants al progjet, in colaborazion cu la ARLeF, il Comun di Monfalcon, la Union economiche slovene de Carinzie (SGZ) e la Provincie di Belun.
ID- COOP al à cjapât dentri lis provinciis di Belum, Bolzan, Udin e Gurize par ce che al inten la Italie e i distrets di Villach, Clanfurt e Völkermarkt par chel che al tocje la Austrie. Un teritori che al conte plui o mancul 80.000 ladins, 700.000 furlans, 79 mil slovens, plui dal 50% de popolazion totâl di 1,5 milions.

Intal specific, il progjet ID-COOP al à verificât, midiant de realizazion di progjets pilote in cooperativis gnovis o za esistentis, cemût che lis minorancis a puedin doprâ la cooperazion, intindude sedi tant che risorse economiche che culturâl, cjapant ispirazion di gnovis formis di imprese sociâl di sucès.

La ARLeF e cjapave part pe prime volte a un progjet european di cheste complessitât. Dopo il conferiment al EURAC dai dâts teritoriâi, politics, juridics istituzionâi e sociolinguistics relatîfs ai Comuns de provincie di Udin cun presince des minorancis furlane e slovene, la Agjenzie e à fat ativitât di supuart al ent coordenadôr inte fase di acuisizion des rispuestis al cuistionari inviât a 136 aministrazions comunâls.

Par ce che al tocje la aree teritoriâl di sô competence, la ARLeF e à sorevisionât il coinvolziment diret di Informazione Friulana Soc. Coop., che e à partecipât in maniere ative a ID-COOP fasint ancje une trasmission radiofoniche dedicade aes tematichis tratadis dal progjet.

Viôt il sît web

In ocasion de cunvigne finâl, che si è davuelte a Bolzan/Bozen ai 16 e ai 17 di Març dal 2015, e je stade presentade la publicazion risultât dal progjet “ID-Coop. Une storie di minorancis linguistichis e cooperativisim”. Par vê plui informazions, discjame i materiâi.

Consulte i materiâi

Ogjet Cjale
L'opuscul di ID - Coop
Newsletter n. 1
Newsletter n. 2
Newsletter n. 3
Newsletter n. 4
Newsletter n. 5
Il program de cunvigne finâl
La locandine de presentazion dal libri

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304