#Didatiche #Scuele

IAL – La scuele dal savê fâ

Intal 2015, in graciis de colaborazion tra la ARLeF e l’Istitût di formazion superiôr IAL di Udin, la lenghe furlane e je jentrade a scuele cuntun progjet curicolâr indreçât a ducj i students e cuntune schirie di altris iniziativis e di progjets unics sul teritori regjonâl.

Il IAL di Udin, di fat, al è stât il prin Istitût di formazion superiôr a meti il furlan tant che materie curicolâr, o ben no come progjet integratîf e/o facoltatîf ma cuntune programazion di dôs oris setemanâls, dentri ad implen intal progjet formatîf e didatic di ducj i students.

Il progjet, inviât intal mês di Avrîl e sierât ae fin di Mai dal 2015, al à cjapât dentri plui di 300 fantats des primis, des secondis e des tiercis classis di ducj i setôrs di studi: cusine, sale, impleâts aes venditis, piruchîrs e estetistis. I incuintris didatics si son concludûts cuntune prove di valutazion e une rilevazion su lis competencis linguistichis dai arlêfs e su la esperience fate in classe.

Il leam particolâr cul teritori e la sô lenghe che il IAL al à volût sotlineâ, no si è esaurît cu la ufierte didatiche. L’Istitût al à resonât su ducj i aspiets leâts al ûs dal furlan, fasint in mût che l’edifici stes al podès jessi identificât daurman ancje sot dal aspiet visîf e comunicatîf. La segnaletiche interne dal edifici, di fat, e je stade fate dal dut bilengâl, i file vetoriâi di dute la segnaletiche realizade (diviêt di fum/puartis antipanic/assensôrs/jessudis di sigurece…) a son stâts metûts a disposizion gratuite de comunitât furlane (operadôrs publics e privâts).

Consulte i materiâi

Ogjet Cjale
Segnaletiche
Lezions in classe
Progjet - rilevazion students
Trasmission radio - risultâts progjet

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304