“Çurviei Scjampâts” e je une trasmission radiofoniche in lenghe furlane trasmetude dal 2015 su Radio Spazio 103, cu la poie de ARLeF. E je condusude dai trê atôrs dal “Teatro Incerto”.
Al è un apontament di intratigniment setemanâl, rivât ae sô seconde stagjon, dedicât ai temis de gnove emigrazion furlane cun colegaments ae storie dal Friûl. La sitcom e va in onde il martars e il vinars aes 7.30, aes 11.30, aes 17.00 e aes 19.30.
In ogni pontade, il grup dai trê atôrs, componût di Fabiano Fantini, Claudio Moretti e Elvio Scruzzi, al smire a proponi un colegament imagjinari cuntun rapresentant di cheste gnove part di societât, chê dai laureâts, dai ricercjadôrs e dal personâl specializât (i “cerviei che a scjampin” dal Friûl), doprant un umorisim iriverent e un lengaç svelt, par podê cjapâ dentri il public plui zovin, cence meti in bande une analisi sociâl reâl e creant tal stes timp une gnove forme di comunicazion.
Detais
Titul: Çurviei Scjampâts
Trasmetude di: Radio Spazio 103
Conduzion: Teatro Incerto – Fabiano Fantini, Claudio Moretti e Elvio Scruzzi
Scolte dutis lis pontadis de serie te nestre sezion Audio
