CUI CHE AL SA IL FURLAN
AL SA DI PLUI
Fevelâ par furlan ai fruts fin di piçui al vûl dî tirâju sù lant daûr di un model educatîf moderni, ma soredut regalâur un bagai preziôs e util par cualsisedi percors di vite che a volaran cjapâ. I vantaçs di une educazion plurilengâl a son une vore e a son confermâts des ricercjis sientifichis: i fruts bilengâi a àn plui facilitât tal imparâ altris lenghis, come l’inglês, a son furnîts di capacitâts logjichis e matematichis miôr, a àn plui abilitâts di esecuzion, si disconcentrin di mancul, a son plui creatîfs e vierts al mont.
Cui che al sa il furlan, al sa di plui e je une campagne di informazion e di sensibilizazion prontade de ARLeF par fâ cressi la cussience che il furlan al è une risorse impuartante pe educazion linguistiche.
SPOT VIDEO CUDUMARS
Il moment plui impuartant de zornade li che la famee si cjate adun al è il gustâ. Al è chest il set dal spot tv che al à tant che protagoniste une cubie zovine cun lôr fîs. I gjenitôrs a fevelin par furlan tra di lôr, ma cuant che si indrecin al fi, che nol vûl mangjâ i cudumars, a passin al talian. Ma, ve mo, che e salte fûr une sorprese…
SPOT RADIOFONIC
Il spot radiofonic al precise daurman l’obietîf de campagne: la impuartance di fevelâ par furlan in famee, te relazion tra gjenitôrs e fîs e in chê fra nonos e nevôts, par ufrî ai plui piçui ducj i vantaçs dal plurilinguisim.
ADV
La campagne di stampe si davuelç cun anunzis a pagjine interie sui cuotidians, setemanâi e mensîi su cjarte principâi dal teritori di lenghe furlane.
SOCIAL MEDIA
La campagne social e je impuestade su lis plateformis digjitâls Facebook, Instagram, YouTube e TikTok, par un periodi di cinc setemanis.
CREDITS
