#Editorie #Fruts

Ciribiribin

Ciribiribin e je la pagjine in lenghe furlane dal insert Sgulp!, un progjet editoriâl par fantats dai 7 ai 10 agns, distribuît a gratis cul Messaggero Veneto tra il mês di Setembar e il mês di Dicembar dal 2014.

In colaborazion cul principâl cuotidian dal Friûl, Ciribiribin al è stât realizât de ARLeF e distribuît in maniere capilâr intes ediculis e intes scuelis des trê ex provinciis dal Friûl storic (Gurize, Pordenon e Udin). Intal detai, par ce che al tocje lis scuelis, l’insert al è stât consegnât in 480 ples scolastics, 449 inte ex provincie di Udin e Gurize e 31 inte ex provincie di Pordenon, e 60 istitûts comprensîfs, 49 in tes ex provincis di Udin e Gurize e 11 in chê di Pordenon.

Ciribiribin al è stât pensât par stimolâ la creativitât, l’inzen e l’interès pe leture in lenghe furlane, cul obietîf di coinvolzi in maniere direte i piçui letôrs.

Ogni numar al à rubrichis fissis, creadis sedi a fin didatic che ludic.

Ciribiribin si vierç cuntun articul di culture gjenerâl dedicât al Friûl – ae storie, aes tradizions, ae atualitât – o cualchi volte ancje a altris minorancis linguistichis. I tescj di aprofondiment a son stâts scrits cuntun lengaç sempliç e imediât, just par i plui piçui.

“Piron e sedon” e je la rubriche setemanâl di cusine par piçui cogos. In ogni numar e je presentade une ricete tradizionâl e semplice di fâ. I passaçs a son descrits pas par pas cun foto e imagjins atrativis, cul obietîf di stiçâ i letôrs a meti “lis mans in paste”.

“Rispuint come Proust” (Cuistionari di Proust) al cjape la idee  di un zûc di societât nassût intal Votcent, che al presentave ai partecipants une serie di domandis. A chel zûc al veve partecipât ancje il grant scritôr francês Marcel Proust (par chel si clame cussì). La rubriche e propon ai letôrs zovins une serie di cuesîts par cognossi i lôr guscj e lis lôr aspirazions. Lis rispuestis a son stadis po dopo publicadis, insiemi ae foto dal letôr che lis à mandadis.

In ogni numar a son ancje une filastrocje de tradizion, un induvinel (che il so risultât al è disvelât intal numar sucessîf) e une vignete.

Ciribiribin al è stât realizât de ARLeF, in colaborazion cul Gruppo Pleiadi, par un totâl di 13 numars. I tescj a son stâts scrits dal personâl de Agjenzie; la vignete e jere di Giovanni Di Lena; la filastrocje e l’induvinel a jerin par cure di Andrea Del Fabro.

 

Detais

Suplement periodic al cuotidian “Messaggero Veneto”
Jessudis: 13
Tiradure: 15.000 copiis par ogni numar
Distribuzion: ediculis, scuelis
Redazion: Elisabetta Pozzetto e Federica Angeli (tescj), Giovanni Di Lena (vignete), Andrea Del Fabro (filastrocje e induvinel), Gruppo Pleiadi (progjet grafic e impagjinazion)
Implei ideâl: supuart didatic par stiçâ la creativitât, l’inzen e l’interès pe leture in lenghe furlane, cul obietîf di coinvolzi in maniere direte i piçui letôrs.

Consulte i materiâi

Ogjet Cjale
Cribiribin n. 1
Cribiribin n. 2
Cribiribin n. 3
Cribiribin n. 4
Cribiribin n. 5
Cribiribin n. 6
Cribiribin n. 7
Cribiribin n. 8
Cribiribin n. 9
Cribiribin n. 10
Cribiribin n. 11
Cribiribin n. 12
Cribiribin n. 13

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304