I risultâts de indagjin sociolinguistiche «Tire fûr la lenghe».
La indagjin «Furlan Contât – Tire fûr la lenghe» e studie lis realtâts linguistichis dal Friûl midiant di un metodi cuantitatîf, analizant i dâts cjapâts sù intun campion rapresentatîf basât su variabilis demografichis tant che lûc di residence, ses e etât. L’obietîf de ricercje al è chel di analizâ l’ûs dal furlan e di chês altris lenghis (talian, sloven, todesc) par valutâ la lôr vitalitât, i rapuarts che a àn tra di lôr e l’impat des politichis linguistichis sul furlan.
La indagjin e je stade fate tal 2023 di IRES FVG in colaborazion cul FEF (Forskningscentrum för Europeisk Flerspråkighet) e un comitât sientific costituît di linguiscj des universitâts di Bolzan, Milan, Pavie, Trent e Vigo (Galizie). E je stade sostignude de Regjon Autonome F-VJ, e je stade realizade cul contribût de ARLeF inte suaze dal Plan gjenerâl di politiche linguistiche pe lenghe furlane 2021-2025.
Il studi si è fondât su passe 4.300 intervistis cjapadis sù in 178 Comuns dal Friûl-VJ e dal Venit.
Discjame
