Maratone di leture par fruts

Ogni an tal mês di Mai la Societât Filologjiche Furlane e organize la Setemane de culture furlane cuntune schirie di events e iniziativis in dut il teritori, par valorizâ e par promovi la culture furlane intes sôs tantis sfumaduris.

Framieç di tancj apontaments, si davuelç, ator pes scuelis pe infanzie e primariis e intes bibliotechis dal Sisteme Bibliotecari dal Friûl, ancje la Maratone di leture di libris par furlan.

Lis ativitâts di leture animade e lis presentazions di libruts par fruts dai 3 ai 10 agns, si davuelzin in graciis dal coordenament dal Sisteme Bibliotecari, de colaborazion de ARLeF – Agjenzie Regjonâl pe Lenghe Furlane e des cjasis editoris che a àn vût finanziâts progjets specifics di editorie pe infanzie.

Tal 2019 a son stâts organizâts ben 49 apontaments cun laboratoris, leturis animadis e presentazions di libruts e zûcs de produzion editoriâl plui resinte, tes bibliotechis, tes scuelis pe infanzie e primariis e tai doposcuele di une vore di comuns dal hinterland udinês.

Tal 2018 a son stâts organizâts 13 apontaments a Udin e dulintor, dentri des scuelis, des bibliotechis e tai doposcuele, cjapant dentri tes ativitâts 310 fruts, 30 insegnants, 20 letôrs volontaris e 25 gjenitôrs.

Consulte i materiâi

Ogjet Cjale
Program Maratone 2019
Program Maratone 2018
"A ogni frut il so librut" Tavagnà 2018

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304