Pai 30 agns di Friuli Doc, la ARLeF è à in program apontaments par grancj e piçui cuntun element in comun: la lenghe furlane e la sô valorizazion.
In program un incuintri su la storie de lenghe furlane e pai plui piçui un laboratori par imparâ a dissegnâ i fumuts.
Cun di plui, i fantats di YoupalTubo a presentin in esclusive un gnûf video sul frico.
Simpri te domenie ai 15 di Setembar, aes 17.15 te Aree “Io sono Friuli Venezia Giulia” in Zardin Grant, la ARLeF, in colaborazion cun Promoturismo FVG, e presentarà in esclusive il gnûf video di YoupalTubo: “Frico a Sbreghebalon!”.
Une ocasion speciâl dulà che a saran protagoniscj di persone lis fantatis e i fantats di chel che aromai al è un dai canâi YouTube plui amâts dai furlans. A saran propit lôr a contâ di cheste aventure digjitâl che e cres ogni dì di plui.
Nicolas Fonzar invezit, che al è il protagonist dal gnûf filmât pe rubriche Mangjâ e Murî, al presentarà al public la clip dedicade al re dai plats furlans. Cun di plui, al event al parteciparà ancje Giorgio Milocco, il regjist di YoupalTubo, che al contarà cualchi curiositât sul backstage. Un dopomisdì siôr di cjacaradis, di divertiment e di mangjâ ben, dulà che al intervignarà ancje Adriano Del Fabro, autôr dal libri “E alore, Frico!“, e che si sierarà cu la degustazion dal frico de aziende artesanâl “Fricuz” di Resiute e cui vins autoctons de Cantine Bulfon di Valerian.
Cun di plui, tes zornadis de manifestazion, sul grant schermi di Place Libertât e sarà ancje proietade une selezion dai videos di YoupalTubo, in colaborazion cul Comun di Udin.
Viôt ca sot ancje chei altris apontaments de ARLeF a Friuli Doc!
Consulte i materiâi
| Ogjet | Cjale |
| Una splendida favella |
|
| Laboratori di dissen cui Gnognosaurs e Dree Venier |
|
