Pai 30 agns di Friuli Doc, la ARLeF è à in program apontaments par grancj e piçui cuntun element in comun: la lenghe furlane e la sô valorizazion.
In program un incuintri su la storie de lenghe furlane e pai plui piçui un laboratori par imparâ a dissegnâ i fumuts.
Cun di plui, i fantats di YoupalTubo a presentin in esclusive un gnûf video sul frico.
Il prin apontament di segnâsi, dedicât ai plui piçui, al è chel di sabide ai 14 di Setembar. Aes 16.30, di fat, te Biblioteche Civiche “V. Joppi” di Udin (sezion Moderne) Maman! al presente “Ciak! Si colore cun GnognoWood“.
Un laboratori pai fruts dai 3 ai 10 agns cu la presentazion dal gnûf fumut e cun zûcs e animazion cui dinosaurs plui simpatics dal Friûl creâts di Dree Venier.
Ai piçui, dopo vê passât un dopomisdì in compagnie di colôrs, penarei e tante fantasie, ur vignarà regalât il gnûf fumut “Ciak! Si colore cun GnognoWood”, editât da La Vita Cattolica cul finanziament de ARLeF.
Par notâsi al laboratori si à di scrivi, dentri dai 13 di Setembar, a info@sportelfurlan.eu
Viôt ca sot ancje chei altris apontaments de ARLeF a Friuli Doc!
Consulte i materiâi
| Ogjet | Cjale |
| Una splendida favella |
|
| Frico a sbreghebalon! |
|
