3. +Sklet/XtremeTV

Kayak di mâr inte Isule de Cone

Regje di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis

La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl.
Lis escursions inte varietât dai ambients naturâi che a caraterizin il teritori, a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
In ogni pontade, il viaç dentri di un microcosmi fat di personis, lûcs e ativitâts si siere cu la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
La trasmission e je caraterizade di un lengaç televisîf svelt e moderni e e je condusude in lenghe furlane.

Kayak di mâr inte Isule de Cone
Cheste pontade e je dedicade ae dissipline sportive dal kayak di mâr e a chel teritori salvadi di palût dulà che a vivin varietâts diferentis di plantis e di speciis animâls: la Isule de Cone e la fôs dal Lusinç, che si slargje jenfri Monfalcon e Grau. Riccardo Pittia de Associazion CKF, Canoa Kayak Friuli, al conte intal detai lis particolaritâts di chest sport e dal ambient naturâl là che si pratiche. Il Friûl-Vignesie Julie al è un teritori fat di tantis varietâts di paisaçs che a cjatin ancje inte cueste la lôr straordenarie espression.

Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta cheste pontade:
Riccardo Pittia (www.canoafriuli.com)
 
Trasmetude da RAI 3 Regjonâl intal 2015 e intal 2016.