fbpx

Pontade dai 06.12.2019 Cuarte stagjon

Maman!© – 04-09 – MARUM E LIGRIE

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Marum e ligrie (9). Al plûf, al è il temporâl e a Chiara i ven di vaî, il brut timp i fâs simpri chest efiet. E clame duncje Daria, Free e Ulli par zuiâ e par scombati la malinconie. Daria ur propon a ducj di fâ un zûc che al imbine i colôrs cu lis emozions: cui che fra di lôr al pescjarà la bale zale al varà di contâ alc leât ae ligrie, se invezit i rivarà la bale blu al varà di contâ alc di malinconic. I cuatri amîs a scomencin a zuiâ e si divertissin une vore scuvierzint che lis emozions a puedin ancje cambiâ e trasformâsi cun facilitât. Dopo vê cjantât “Marum e ligrie”, fat zûcs e induvinei, invidât i fruts a mandâ i lôr dissens e videos, Daria si rilasse intal tinel cul so gjatut Vigji e i conte lis aventuris de sô zornade.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304