fbpx

Pontade dai 15.11.2019 Cuarte stagjon

Maman!© – 04-06 – INTAL PAÎS DAI CONTRARIS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Intal paîs dai contraris (6). Daria e je daûr a organizâ il so gnûf studi: e à di fâ Sant Martin e di puartâ in cjase ducj i pacs e i mobii gnûfs, ma e à mâl di schene. Chiara e Ulli le judin e a traspuartin lôr ducj materiâi inte stanzie vueide. Stracs madûrs, une volte finît il lavôr, a cjantin cun Daria “Il paîs dai contraris”. Dopo vê fat zûcs e induvinei, vê scoltât la leture di “Burlaç” (Laura Nicoloso e Nicoletta Ursella, ed. El Tomât, 2002) e “Tropis talputis àno i amîs di Ut?” (Deborah Crapiz e Doriana Alessio, Ed. Corvino, 2018), e dopo vê invidât i fruts che a cjalin Maman! a mandâ i lôr dissens e i lôr videos e vê preseât chei za rivâts, Daria si rilasse intal tinel cul so gjatut Vigji e i conte lis aventuris de zornade.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304