La serie televisive par furlan su sports estrems e sul turisim alternatîf II part: turisim

5. +Sklet/XtremeTV

Turisim alternatîf te Val de Bût

Regjie di Giorgio Cantoni
Une produzion di Informazione Friulana soc. coop.
Cul finanziament di ARLeF Agjenzie Regjonâl pe Lenghe Furlane
Dvx 20 minûts – 5 pontadis

La serie televisive +Sklet/XtremeTV e propon un viaç inmagant tra lis dissiplinis sportivis plui origjinâls che si pratichin in Friûl, e la discuvierte di contescj particolârs di ospitalitât turistiche, sedi di un pont di viste culturâl, che di ambient e di teritori.
Lis escursions inte varietât dai ambients naturâi che a caraterizin il teritori a puartin i spetatôrs a discuvierzi cinc ativitâts sportivis diferentis, e cun chês si va indentri a plen tal ambient naturâl dulintor e si esplorin lûcs che se no a saressin cuasi inacessibii.
Tra lis particolaritâts dai sports protagoniscj de serie, la “spetacolaritât” e il plen rispiet pal teritori a son i elements che a vegnin fûr des intervistis fatis ai sportîfs e de sperimentazion direte des dissiplinis di bande dai stes presentadôrs dal program.
La trasmission e je caraterizade di un lengaç televisîf svelt e moderni e e je condusude in lenghe furlane.

​Turisim alternatîf te Val de Bût
Incuintri cun Renato Garibaldi dal Agriturisim “Bosco di Museis” a Çurçuvint.

Un progjet di turisim rurâl e solidari, là che l’acet, il scoltâ e la condivision a son la fonde de sô evoluzion. Renato Garibaldi al conte dal Agriturisim “Bosco di Museis” che si cjate inte Val de Bût, biotop forestâl intat e cetant interessant, là che l’ambient al è difindût e rispietât.
A son tantis lis ativitâts che a vegnin fatis e proponudis par cui che al vûl gjoldi ad implen di chest lûc.

Diretôr di produzion: Paolo Cantarutti
Coordenadore de edizion: Federica Vincenti
A presentin: Francesca Battistutta e Cristian Pressacco

Ta  cheste pontade:
Renato Garibaldi (www.boscodimuseis.it)
 
Trasmetude da RAI 3 Regjonâl intal 2015 e intal 2016.

Ducj i video di


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304