Maman!© – 04-04 – LIS PARTS DAL CUARP

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Lis parts dal cuarp (4). Chiara e je a cjase e, dut di un colp, e cole par tiere; cun fadie e rive, duliose, fin li dal telefon par clamâ Daria e domandâi aiût. Daria i fâs un pocjis di domandis par viodi se la robe e je grave ma e capìs che in realtât si trate dome di botis e di tante pôre. Cussì e decît di lâ a cjase sô par cjapâsi cure di jê cun glace e pomade. A cjantin la cjançon “Lis parts dal cuarp” e, cul jutori de ospite Caterina, a fasin il ripàs dai nons des variis parts dal cuarp. Dopo vê viodût l’episodi dal carton animât Tui e Tuie “Lis stelis dai desideris”, vê fat zûcs e induvinei, vê scoltade la leture di “L’acuilon” (Miriam Pupini, ed. La Grame, 2009), Daria si rilasse tal tinel cul so gjatut Vigji e i conte lis aventuris de zornade.

Condutoris e autoris: Daria Miani e Chiara Donada
Cu la partecipazion di: Silvia Piani, Silvia Gazzetta (Free & Ulli) e Caterina Bonanni
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com