Maman!© – 03-34 – I SALÛTS PRIN DAL ISTÂT

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: I salûts prin dal Istât (34). Daria e je malinconiche parcè che vuê e je la ultime pontade prime des vacancis estivis e i piçui telespetatôrs i mancjaran tant. E sa ben che ancje Chiara, Free & Ulli a son avilîts, cussì e decît di puartâju al cine par fâur viodi alc di pardabon speciâl: la racuelte dai moments plui biei di cheste tierce stagjon di Maman!. Cetantis aventuris che a àn vivût insiemi i cuatri amîs: si son divertîts, emozionâts e a àn imparât tantis robis gnovis! Al è propit il câs di dâsi apontament ae prossime Sierade cu la biele cjançon “Ti saludi: mandi mandi” e di scoltâ insiemi ancjemò cualchi rie dal audiolibri “Il piçul princip” (editât di Nota).

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com