fbpx

Pontade dai 09.06.2017 Prime stagjon Viaç te prime serie di Maman!

Maman!© – 01-25 – LE PRIME STAGJON INSIEMI

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute cun tancj colôrs a son a stâ Daria e il gjatut Vigji che a passin dopomisdîs tant divertents cjantant cjançons, zuiant, contant barzaletis e leìnt storiis. A ogni pontade a tuchin te puarte ospits simpatics, ognidun cuntune storie particolâr: cjantants, scritôrs, ilustradôrs, insegnants, mâcs, cjantautôrs, atôrs, comics, musiciscj, cogos e tancj altris. A inricjî ogni apontament  a son tantis rubrichis: “A ogni frut il so librut”, dedicade ae leture di un libri ilustrât in lenghe furlane; il “Zûc”, cu lis ilustrazions di “Alc&Cè”, insert de “La Vite Catoliche”; “Master Cogo Furlan”, cu la preparazion di golosets facii di fâ; “99 Peraulis”, lis cjartis ilustradis par imparâ peraulis gnovis in plui lenghis; i “Mûts di dî” e il spazi dedicât ai videos mandâts dai fruts di cjase. Ae fin, pai adults, une videointerviste curte dal progjet “Cressi cun plui lenghis” par informâ e par sensibilizâ i gjenitôrs, i nonos e i educadôrs sui vantaçs dal plurilinguisim.

In cheste pontade (25). E je la ultime pontade di Maman! prime dal Istât e Daria e torne a cjalâ insiemi cun Vigji dutis lis aventuris vivudis de prime pontade dai 23 di Dicembar dal 2016, une par une. Cheste di Maman! je stade une esperience cetant biele par Daria: e à cognossût une vore di amîs gnûfs, e à ricevût tancj videos dai fruts di cjase che, viodintle par strade, le fermin par saludâle e par complimentâsi pe trasmission. Ogni pontade e je stade di no podêle dismenteâ, ma la polse estive e coventarà par ideâ altris sorpresis pes gnovis pontadis di Maman! Dopo vê insegnade la ricete des “mariutinis puartefortune” inte rubriche “Master Cogo Furlan” e cjalât cun plasê i videos mandâts di cjase dai telespetatôrs di Maman!, e va in onde, pai gjenitôrs, une videointerviste curte a Antonella Sorace: “I studis sientifics sul bilinguisim, e la osservazion direte dai fruts bilengâi, ce àno dimostrât?”.

Condutore e autore: Daria Miani
Regjie: Luca Fornasiero
Musiche: Flaviano Miani
Redazion e consulence linguistiche ARLeF: Priscilla De Agostini, Linda Picco, Miriam Pupini
Responsabil dal progjet pe ARLeF: William Cisilino
Coordenament pe ARLeF: Priscilla De Agostini
Sigle Maman!: vôs e peraulis di Daria Miani, musiche di Flaviano Miani, foto di Silvia Raber, animazion di Pierangelo Buttazzoni e Davide Nicolicchia
Logo Maman!: Calt Udin
Durade: 20 minûts cirche

Contats:
arlef@regione.fvg.it
maman@tvstar.com


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304