Maman!© – 03-25 – LIS AGANIS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Lis Aganis (25). Lis aganis a son creaturis magjichis che a vivin li che e je aghe. A puedin jessi bielis zovinis celestiâls, o vielis brutis e torgulis ma, in ducj i doi i câs, a son creaturis cun podês magjics e sorenaturâi. Cundut che a vedin tantis voltis malformazions tai pîts, si movin rapidis e dispès a cjantin melodiis inmagantis. Cun di plui, a son in stât di capî il lengaç dai animâi e a cognossin il podê curatîf di dutis lis plantis; a san il passât e il presint di ducj i oms e a puedin predî il lôr destin. Ma tocje fâ atenzion: lis aganis a son ancje avonde dispetosis, e se cualchidun lis disturbe a puedin jessi tant vindicativis… Daria lu impararà a spesis sôs!

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com