Maman!© – 03-23 – E RIVE LA PRIMEVERE

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: E rive la Primevere (23). Une biele fantate e à il compit di sveâ la nature e ducj i oms de tiere de sflacje e dal grisum dal Invier. Biadelore e je daûr a tornâ la Vierte, e bisugne preparâsi a dâi acet cun entusiasim! La jerbute e lis margaritis a tornin a sflorî tenaris, lis âfs e lis paveis a svolitin intal cîl blâf… ma cualchidun ancjemò no si è inacuart che la Vierte e je scomençade: Chiara, Free & Ulli a son ancjemò intal jet, ducj grîs e insunîts. La biele fantate ju invide a metisi vistîts une vore colorâts par “sveâsi” e par dâ il benvignût just ae Vierte… Ae fin, Vigji, chel pelandron, al restarà l’unic a conservâ il so pêl grîs.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com