fbpx

Pontade dai 22.03.2019 Tierce stagjon

21. Maman! © LIS FLABIS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Lis flabis (21). Il mont des flabis al è magnific: tu ti puedis trasformâ in cualsisei persone e lâ dapardut dome doprant la fantasie. Al è ce che e à fat Daria, une dì, “imerzintsi” intal libri di flabis che e jere daûr a lei. Di colp, si è cjatade a jessi la protagoniste di une flabe un pôc strane: e jere une principesse tant biele ma un pôc viziade in spiete che il crot che e veve cjatât si trasformàs intun princip. Ma alc al pâr che nol ledi masse ben, e Chiara e à di intervignî par salvâ la sô amie Daria, catapultantsi ancje jê inte storie. Finide la zornade, Daria e conte al so Vigji dutis lis aventuris maraveosis che e à vivudis vie pe zornade… oh, cetante fantasie a Maman!

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com

Ducj i video di


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304