fbpx

Pontade dai 08.03.2019 Tierce stagjon

19. Maman! © ZÎR IN TONT DES POSIZIONS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Zîr in tont des posizions (19). Daria no cjate il so russac. Dulà lu varaial lassât? Forsit lu à dismenteât a cjase di Chiara, duncje i telefone par domandâjal. Daria i da indicazions par judâle a cirîlu ma nuie, il russac no si lu cjate. Mancul mâl che a son i fruts di cjase che a judaran Chiara e Daria a cjatâlu fûr! Dopo, Daria e Free a van a Udin: a àn di cjatâsi cun Chiara in biblioteche ma Daria, che e je in place des Jerbis, no si vise plui cemût rivâ. In graciis des indicazions di Chiara, però, e rivarà a orientâsi cun facilitât e a cjatâsi cu la sô amie, cjantant ducj insiemi la cjançon “Zîr in tont des posizions”. Ae fin, a lein “Piçulis voris” (Futura edizioni).

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com

Ducj i video di


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304