Maman!© – 03-18 – I LAVÔRS

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: I lavôrs (18). Us isal mai capitât di pensâ a ce lavôr che o varessis fat di grancj? Daria, di frute, e varès volût jessi une zardiniere invezit Chiara une balarine di danze classiche. Dutis dôs a scrivevin i lôr siums tai propris diaris segrets e vuê, dopo vêju cjatâts fûr intal cjast, a scomencin a lei une il diari di chê altre. Lis dôs amiis si cjolin vie tra di lôr, pensant che il lavôr che a sumiavin di frutis nol riflet par nuie la personalitât des dôs fantatis di cumò. Ma cuant che si è piçui, si à il dirit di sumiâ di podê fâ cualsisedi lavôr tal mont! E voaltris, ce lavôr volaressiso fâ di grancj? Imparìn cualchi non cun Daria e Chiara.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com