Maman!© – 02-13 – AVRÎL

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Avrîl (13). Cuant che e rive la Vierte si met dut in ordin e si fasin lis puliziis. Daria e je te cjamare e al è un grant disordin, e volarès meti a puest ma no sa di dulà scomençâ. E rive Chiara che le jude cjatant un truc: zuiâ a cui che al met vie plui zûcs in 30 seconts. La tecniche e je stade tant buine che a doprin il stes zûc ancje par meti a suiâ e par poiâ vie dute la robe. Siôr Timp al fâs lis puliziis pe Vierte, al gjave daurman une tele di ragn e al propon un gnûf enigme di risolvi. Daria e Chiara a cjantin “Avrîl” e dopo a lein la storie di “GjatUT e il Pessut” di Deborah Crapiz e Doriana Alessio (Ed. Kappa Vu). Sul finî de serade, Daria e fâs la sô solite cjacarade cun Vigji.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com