Maman!© – 04-11 – POESIE DI NADÂL

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje doi personaçs simpatics, il crot inglês Free e la moscje furlane Ulli: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: Poesie di Nadâl (11). Chiara e je contente parcè che al rive Nadâl e ancje la gnot dal ultin dal an. Cun Daria, Free e Ulli a decidin di organizâ une cene e, inte ocasion, di fâ un bussulot dai desideris pal 2020. Ognidun al scrivarà suntun toc di cjarte il desideri che al volarès che si inveràs e, ae fin dal 2020, vierzintju, a podaran verificâ cemût che al è lât pardabon l’an. Daria e volarès imparâ il spagnûl e lâ a Parîs cun Chiara. Chiara e volarès cognossi la Argjentine e fâ un viaç a Parîs cun Daria. Ulli al scrîf sul bilietut che al volarès imparâ a nadâ par passâ l’ocean e rivâ fin in Argjentine, intant che Free al volarès rivâ là vie imparant a svolâ plui svelt che mai. Completâts i bilietuts, ju metin dentri intal bussulot e si confrontin sui tancj rituâi propiziatoris doprâts pe fin dal an. Dopo vê cjantât “Poesie di Nadâl”, fat zûcs e induvinei, gjoldût de vision dai dissens e dai videos mandâts dai fruts di cjase, Daria si rilasse intal tinel cul so gjatut Vigji e i conte la sô zornade.

Condutoris e autoris: Daria Miani e Chiara Donada
Cu la partecipazion di: Silvia Piani e Silvia Gazzetta (Free & Ulli)
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie e animazion sigle: Tommaso Ravo
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Michele Calligaris e Linda Picco – Sportel regjonâl pe lenghe furlane/Calt
Durade: 20 minûts cirche

Contats:
arlef@regione.fvg.it
maman@tvstar.com