Pontade dai 23.03.2018 Seconde stagjon

11. Maman! ©

Maman! La prime trasmission televisive dute in lenghe furlane dedicade ai fruts.
In onde su Telefriuli (canâl 11) ogni vinars aes 17:45 e in repliche il miercus aes 17:45 e la domenie aes 7:00.

Une produzion ARLeF – Agjenzie Regjonâl pe Lenghe Furlane e Telefriuli
Durade: 20 minûts cirche

Intune cjasute plene di colôrs a vivin Daria, Chiara e il tenar gjatut Vigji: insiemi a passin dopodimisdîs une vore divertents là che si cjantin cjançons plenis di ligrie, si fasin zûcs, si contin barzaletis, si lein des bielis contis e si viodin i cartons animâts.
Se te prime edizion di Maman! a tucavin te puarte ospits di ogni sorte, chest àn al rive in visite Siôr Timp (Manuel Buttus), un personaç une vore stravagant che in ogni pontade al conte alc di gnûf, insegnant ai telespetatôrs robis utilis e divertentis. Tal cjanton dai cartons animâts, a insiorâ il dopomisdì, a son ancje lis gnovis aventuris di Tui e Tuie, doi gjatuts afetuôs e un pôc pastrocjons.
In ogni gnove pontade al va in onde ancje il video o il dissen di cualchi piçul spetatôr: ducj i frutins a puedin partecipâ!

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Consulence linguistiche e otimizazion: Linda Picco e Elena Zanussi (Calt sas)
Animazion sigle: Pierangelo Buttazzoni e Davide Nicolicchia

Contats:
arlef@regione.fvg.it
maman@tvstar.com

Ducj i video di


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304