fbpx

Pontade dai 16.03.2018 Seconde stagjon

Maman!© – 02-10 – LA FIESTE DAL PAI

Maman! La trasmission par fruts dute in lenghe furlane
In onde su Telefriuli (canâl 11) ogni vinars

Une produzion di ARLeF – Agjenzie Regjonâl pe Lenghe Furlane e di Telefriuli

Intune cjasute plene di colôrs a vivin Daria e il gjatut Vigji. Ogni dì e ven a cjatâju la lôr amie Chiara e ancje Siôr Timp, un personaç une vore stravagant: insiemi a passin dopodimisdîs une vore divertents là che a cjantin, a zuin, a contin barzaletis e a lein contis.

In cheste pontade: La fieste dal pai (10). Siôr Timp al anunzie la Fieste dal pai e al ricuarde che ai 19 di Març si celebre ancje Sant Josef: une volte, cheste date e segnave la fin dal Invier e lis fameis, tant che rituâl propiziatori, a brusavin ramaçs vecjos, a cjantavin lis laudis a Sant Josef, il sant celebrât in chê dì, e a preparavin, in so onôr, lis fritulis dolcis tipichis. Daria si vise che a mancjin dome trê dîs pe Fieste dal pai… Sal jere cuasi dismenteât: cumò al è tart e, cence vê nissune idee pal regâl, e clame Chiara al telefon par domandâi un consei. Ancje Chiara si è dismenteade de Fieste, e lis dôs amiis si cjatin par fâsi vignî cualchi idee juste pal regâl di fâ: e scomence la “Mission fieste dal pai”! A provin a cirî fra lis robis che a àn, ma no cjatin nuie di origjinâl. A Daria i ven une idee: a scrivaran il test di une cjançon e le cjantaran ai lôr pais. Dutis sodisfatis a cjantin la “Fieste dal pai” e dopo a lein la storie “Cjapâsi a bracecuel” di Francesca Gregoricchio (Ed. Kappa Vu). Daria si piert cun Vigji intes sôs contis de zornade.

Condutoris e autoris: Daria Miani e Chiara Donada
Cu la partecipazion di: Manuel Buttus
Responsabil di produzion pe ARLeF: William Cisilino
Coordenament gjenerâl: Vittorio Vella (Deltastudios)
Regjie: Luca Fornasiero
Musichis origjinâls: Flaviano Miani (musiche), Daria Miani (peraulis)
Animazion sigle: Pierangelo Buttazzoni e Davide Nicolicchia
Consulence linguistiche e otimizazion: Linda Picco e Elena Zanussi (Calt sas)
Durade: 20 minûts cirche

Contats:
arlef@regione.fvg.it
maman@tvstar.com


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304