UNE ACUILE IN COMUN
Dai 3 di Avrîl dal 2025 indenant, cun scree a Cividât – la antighe FORUM IULII che e à dât il non al Friûl – al tacarà il progjet “Une Acuile in Comun”, che tai prossims mês al previôt la esposizion simboliche di une opare artistiche tal centri storic di 130 comuns dal teritori di lenghe furlane. La opare, creade dal designer Stefano Borella, e sarà instalade in edificis rapresentatîfs o in lûcs di interès storic culturâl. Ispirade ae acuile de bandiere dal Friûl, il simbul che plui di ducj al ten dongje i furlans, e rapresente ancje l’embleme di tantis istituzions publichis e privadis furlanis.
La iniziative e je promovude de Regjon Autonome Friûl-Vignesie Julie e de ARLeF par valorizâ e promovi la identitât furlane. “Une Acuile in Comun” e vûl ricuardâ a ducj i citadins e ai tancj turiscj che ogni dì a vivin la bielece dai centris storics dal Friûl, la storie milenarie e uniche di un teritori tal cûr de Europe e di un popul che al vîf il sens profont de sô identitât, tignint di cont cun braùre la sô lenghe, culture e lis sôs tradizions.
Di une lastre di açâl corten, la opare di Borella e rive a trasmeti la fuarce identitarie de acuile che e je presinte tal antîc standart medievâl doprât dal patriarcje Beltram intal 1350. Chest al è l’esemplâr plui antîc de bandiere dal Friûl, un dai vessii cun vite plui lungje dal mont, che ancjemò vuê si pues amirâ intal Museu dal Domo di Udin. Un confenon ricognossût in maniere uficiâl inte sô version moderne de L.R. 27/2001, che intai secui al è restât un simbul di autonomie e inlidrisament culturâl.
“Une Acuile in Comun” al è un progjet finanziât de L.R. 7/2024 in ocasion de Fieste de Patrie dal Friûl, edizion 2025.
La Bandiere dal Friûl
La bandiere dal Friûl doprade dal Stât patriarcjâl di Aquilee e je un vessil storic fra i plui antîcs e di lungje durade. La sô origjin e je leade a strent cul simbul de acuile, za associât ae citât di Aquilee ai timps dai Romans. I reperts numismatics a dimostrin che si doprave la acuile tant che simbul distintîf dal podê di Aquilee za dal secul XIII indenant. L’esemplâr plui antîc dal vessil, che al va indaûr ai prins dal Tresinte, al è in mostre tal Museu dal Domo di Udin. Al à une acuile di aur suntun drap di sede grise celeste che e jere part dal furniment funerari dal patriarcje Beltram di Saint-Geniès.
La bandiere dal Friûl di vuê e cjape ispirazion dal standart antîc e e je ricognossude in maniere uficiâl de Regjon Autonome Friûl-Vignesie Julie. E je formade di un drap retangolâr cun tal mieç une acuile di aur in cjamp celest e e ven esponude tai lûcs publics dai comuns cjapâts dentri tal teritori di tutele de minorance linguistiche furlane. La ricorence dai 3 di Avrîl, aniversari de nassite dal Stât patriarcjâl di Aquilee, e segne la ocasion principâl pe sô esposizion uficiâl.
Il Parlament dal Friûl
Il Parlament dal Friûl al rapresente une des istituzions assembleârs plui antighis e significativis in Europe. Lis primis testemoneancis scritis de ativitât parlamentâr furlane a van indaûr al secul XIII. La sô composizion e jere une vore origjinâl parcè che al tignive dentri, dongje dai rapresentants dal clericât e de nobiltât, ancje chei des comunitâts citadinis, intun model râr di ecuilibri sociâl e politic intune ete là che il podê feudâl al paronave.
Il Friûl: une regjon tal cûr de Europe
Il Friûl al è une regjon logade te estremitât nordorientâl de Republiche taliane, sul confin cu la Austrie e la Slovenie. Al à une superficie di sù par jù 8000 km² e al è delimitât a Ovest dal flum Livence e a Est dal Timau. In dì di vuê il Friûl si cjate inte regjon aministrative dal Friûl-Vignesie Julie (intes ex provinciis di Gurize, Pordenon e Udin), fûr che pal mandament di Puart, che al è inte regjon dal Venit, in provincie di Vignesie. Il Friûl al è componût di une grande plane e di une cengle di monts dulintor, fate des Alps Cjargnelis e di un toc curt des Alps Juliis.
AL PROGJET “UNE ACUILE IN COMUN” A ÀN ADERÎT CHESCJ COMUNS:
- Andreis
- Atimis
- Bagnarie
- Barcis
- Basilian
- Bertiûl
- Bicinins
- Bordan
- Buie
- Caprive
- Çarvignan
- Cividât
- Cjamin dal Tiliment
- Cjampfuarmit
- Cjasarse
- Cjassà
- Cjastelgnûf
- Cjavaç
- Cjavàs
- Cjopris e Viscon
- Clausêt
- Codroip
- Colorêt di Montalban
- Comelians
- Çopule
- Cordenons
- Cordovât
- Cosean
- Cuar di Rosacis
- Çurçuvint
- Dael
- Damâr
- Darbe
- Darte
- Dartigne
- Davâr
- Dignan
- Dogne
- Dolegne dal Cuei
- Enemonç
- Fane
- Flaiban
- Flumisel Vile Visintine
- Fontanefrede
- For Davôtri
- For Disore
- Forgjarie
- Frisanc
- Gurize
- Lauc
- Lignan
- Listize
- Magnan
- Manià
- Manzan
- Martignà
- Merêt di Tombe
- Midun
- Migjee
- Montenârs
- Montreâl
- Morâr
- Morsan da lis Ocjis
- Mortean
- Mosse
- Muçane
- Murùs
- Nimis
- Osôf
- Pagnà
- Palaçûl
- Paluce
- Pasian di Prât
- Paulâr
- Paulêt
- Pavie
- Pontêbe
- Pordenon
- Porpêt
- Pradaman
- Premariâs
- Prepot
- Prissinins
- Pucinie
- Puçui
- Ravasclêt
- Raviei
- Reane dal Roiâl
- Remanzâs
- Resiute
- Rigulât
- Rivignan Teôr
- Rivis Darcjan
- Roncjis
- Rude
- Ruvigne
- S. Marie la Lungje
- San Lurinç dal Lusinç
- San Martin dal Tiliment
- San Vît dal Tiliment
- San Vît de Tor
- San Vît di Feagne
- Secuals
- Sedean
- Siest
- Soclêf
- Spilimberc
- Sudri
- Talmassons
- Tarcint
- Tavagnà
- Tierç di Aquilee
- Tor di Zuin
- Tramonç Disore
- Tramonç Disot
- Travês
- Trep Grant
- Trep Liussûl
- Tresesin
- Trivignan
- Tumieç
- Udin
- Vençon
- Verzegnis
- Vildivar
- Vile di Cjargne
- Visc
- Vît
- Voleson Darzin
- Zui
