A son viertis lis iscrizions al prin esam pe certificazion de cognossince de lenghe furlane che e corispuint al nivel B dal Cuadri comun european di riferiment pes lenghis.
La domande e varà di jessi presentade dentri dal tiermin perentori dai 8 di Novembar dal 2024, dome cun spedizion ae direzion PEC arlef@certgov.fvg.it di une direzion PEC.
Par podê iscrivisi al esam di certificazion, i candidâts a àn di vê finît disevot agns dentri de date di scjadince dal tiermin fissât pe presentazion de domande. A saran ametûts al massim 30 candidâts, daûr dal ordin cronologjic che la ARLeF e ricevarà la domande di iscrizion.
Cliche achì:
Avîs publicât te sezion Publicitât legâl pes modalitâts di presentazion de domande
Domande di partecipazion (Zontât A)
L’esam di certificazion si fasarà miercus ai 27/11/2024 a Udin, te sede de Universitât dal Friûl di vie Petracco 8, Palaç Antonini.
L’esam par otignî la certificazion de cognossince de lenghe furlane nivel B al previôt 4 provis.
Sul sît de ARLeF a cheste pagjine, a son publicâts esemplis di provis di esam dai diviers nivei e/o materiâi utii par esercitâsi pe certificazion.
Par orientâsi inte sielte de prove di certificazion linguistiche plui adate pal propri nivel di competence, simpri in cheste pagjine o cjatarês ancje une prove di autovalutazion realizade de Universitât dal Friûl.
Consulte i materiâi
| Ogjet | Cjale |
| Avîs pe partecipazion al esam pe certificazion de cognossince de lenghe furlane nivel B |
|
| Domande di partecipazion al esam pe certificazion de cognossince de lenghe furlane nivel B |
|
| La Certificazion de cognossince de lenghe furlane |
|
