Il Comun di Verzegnis al bandìs la 13e edizion dal “Premi Gjiso Fior”.
La iniziative, che e gjolt dal patrocini de ARLeF e di altris realtâts impuartantis, e à chê di onorâ il poete cjargnel e promovi la produzion poetiche in lenghe furlane.
Il concors al à dôs sezions:
– une e je pes scuelis primariis dai Comuns di lenghe furlane de Regjon Friûl-Vignesie Julie, cu la categorie Piture la poesie (pes classis prime e seconde) e la categorie Poesie (pes classis tierce, cuarte e cuinte). Lis scuelis a puedin domandâ une consulence linguistiche ae ARLeF midiant dal Sportel regjonâl pe lenghe furlane (scuele@sportelfurlan.eu).
– chê altre sezion e je pai autôrs di poesie in lenghe furlane che a puedin presentâ massim trê lavôrs par furlan: almancul une poesie e à di vê tant che teme la poetiche di Gjiso Fior, dedicade a “il dâsi la volte des stagjons”; chês altris poesiis a puedin jessi a teme libar.
Daûr dal regolament dal Concors, lis poesiis si àn di scrivi par furlan, standard o intune des sôs variantis locâls, daûr des normis de Grafie Uficiâl. Ducj i componiments a àn di jessi inedits, mai presentâts in altris concors e no àn di vê plui di 120 viers.
Lis oparis a àn di rivâ al Ufici Protocol dal Comun di Verzegnis dentri dai 28 di Jugn dal 2024.
Midiant dal link ca sot, si pues acedi al regolament complet e a dute la documentazion utile.
Consulte i materiâi
| Ogjet | Cjale |
| Premi Gjiso Fior 2024 |
|
