Su Rai Storia al va in onde in prime serade “Marcho. L’ultima bandiera“.
Il docufilm al conte la vere storie di Marc di Murùs. Al sarà trasmetût joibe ai 31 di Otubar, aes 21.10 sul canâl 54 dt, te tramission “5000 anni e più. La lunga storia dell’umanità” e al sarà po disponibil ancje su Rai Play.
Il film al è insiorât cui aprofondiments storics di Franco Cardini, Alberto Travain, Flavia Maria De Vitt, William Cisilino, Gianfranco Ellero.
“Marc di Murùs al è stât l’ultin Puartebandiere dal Stât patriarcjâl di Aquilee. Tal 1420, a diference di chei altris nobii, si è oponût ae invasion de Republiche di Vignesie.
E cussì Vignesie lu à cancelât de storie”.
(prof. Franco Cardini)
Preparaitsi a vivi in prime assolude la storie dal ultin Puartebandiere dal Patriarcjât di Aquilee.
“Marcho. L’ultima bandiera” al è une produzion ARLeF – Agjenzie regjonâl pe lenghe furlane e Arte Video, cul contribût di Friuli Venezia Giulia Film Commission e Fondo per l’audiovisivo del Friuli Venezia Giulia.
Un film di Marco Fabbro, gjavât fûr di fats storics. Cun Paolo Mutti, Aida Talliente e Fabiano Fantini.
