Vinars ai 17 di Otubar dal 2025, tra Cormons e Dobrovo (Brda) si tignarà une conference internazionâl su lis lenghis minoritariis, metude adun dal Comun di Cormons, in colaborazion cu la ARLeF e altris partners impuartants.
Une zornade di incuintris par cognossi e confrontâ i modei di politiche linguistiche di variis minorancis linguistichis europeanis. Un dibatit sul stât di salût di chestis lenghis e sul rispiet dai dirits des lenghis mancul pandudis.
A cjapin part ae Conference autoritâts, operadôrs e esperts dal setôr che a vegnin di Friûl, Slovenie, Austrie, Paîs Basc, Svuizare.
Pe lenghe furlane: intervents su la politiche di tutele e di promozion de lenghe furlane de bande de Regjon F-VJ midiant de ARLeF e sul progjet “Cressi cun plui lenghis”, come esempli di buine pratiche.
La conference e je organizade te suaze dal Festival internazionâl des lenghis minoritariis “Linguaemundi”, progjet finanziât cul program Interreg Italia-Slovenija.
Par plui informazions e par notâsi ae Conference: https://linguaemundi.org/
