La aghe e à un segret.
Chest libri al è il risultât des peraulis, des imagjins e dai pinsîrs dai fruts che a son saltâts fûr dilunc dal cicli di laboratoris che a àn cjapât part lis scuelis de infanzie e primariis dai comuns di Aquilee, di Flumisel, di Tierç e di Vile Visintine. Un percors su la risorse plui vitâl dal om ma ancje element che al segne a fuart il paisaç furlan cui siei flums, lis rois, i canâi, lis risultivis… Dopo di vê scoltât une storie inmagante sul cicli de aghe i fruts a àn doprât chest element tant che mieç espressîf par creâ lis pagjinis di gotis.
Aghe che e sbrisse, si slargje, e sgjave, e sclipigne e e lasse simpri une olme al so passaç. E tecnichis mistis par sperimentâ la creativitât che e pues vignî fûr di une gote di aghe. I esperiments dâts dongje a son deventâts libris par meti adun lis gotis e testemoneâ la esperience fate.
Detais
An scolastic 2010/11 – Libri pp. 40
Direzion Didatiche di Aquilee
Cooperative Damatrà
Progjetazion artistiche e realizazion: Cooperative Damatrà
Tescj e imagjins: par cure dai fruts des scuelis pe infanzie e primariis dai comuns di Aquilee, di Flumisel, di Tierç e di Vile Visintine.
Supuart linguistic: Sportel pe Lenghe Furlane Comun di Aquilee
Fotografiis: Cooperativa Damatrà
Cul contribût de Regjon Friûl – Vignesie Julie L.R. 3/2002 art.7
Cu la poie de Banca di Credito Cooperativo di Fiumicello e Aiello del Friuli
Distribuzion: Cooperative Damatrà – Udin
