Dai 22 di Otubar al 1n di Novembar, e rive a Gurize la prime edizion di “LENGHIS”, il prin festival dedicât al teatri des lenghis minoritariis.
Plui di 30 artiscj di 5 Paîs europeans a montin sul palc par dâ vôs a storiis teatrâls emozionantis, recitant in 7 lenghis minoritariis ricognossudis de Union Europeane.
In graciis dal teatri, par 10 dîss, lis lenghis minoritariis a vivin e si rinovin tai teatris e tai centris culturâi di Gurize. A deventin un puint tra culturis, comunitâts e gjenerazions, tra passât e avignî, e a formin une mape vive e contemporanie dal teatri european des lenghis minoritariis.
Un progjet artistic internazionâl par valorizâ lis diferencis, incressi la creativitât e creâ un patrimoni culturâl pardabon origjinâl.
Il Festival al propon passe 18 apontaments tra laboratoris, incuintris, cunvignis, concierts. Discuvierziju ducj su: lenghisfestival.it
Lenghis – Festival dal teatri des lenghis minoritariis al è organizât dal Teatri Stabil Furlan, in colaborazion cu la ARLeF e cu la poie de Regjon F-VJ, di PromoTurismoFvg, dal Ent Regjonâl Teatrâl dal Friûl-Vignesie Julie e dal Comun di Gurize.
Consulte i materiâi
| Ogjet | Cjale |
| Viôt dut il program dal Festival "Lenghis" |
|
