A son stâts presentâts i prins dâts significatîfs de ricercje sociolinguistiche “Tire fûr la lenghe”, sostignude de Regjon FVJ cul contribût de ARLeF e realizade dal IRES FVG e dal FEF (Forskningscentrum för Europeisk Flerspråkighet). A son stadis cjapadis sù plui di 4.300 intervistis in 178 Comuns, dant fûr un cuistionari di compilâ.
I risultâts a pandin che la lenghe furlane vuê e je fevelade in maniere ative di 444.000 personis (che a corispuindin a plui de metât de popolazion che e je a stâ tai Comuns di lenghe furlane de Regjon autonome Friûl-VJ e de Regjon Venit), che a rivin a cirche 700.000 (o ben 9 personis su 10), se si considere ancje chei che dome le capissin. Lis areis dulà che si dopre il furlan in maniere ative in percentuâl plui alte a son il Friûl centrâl, la zone dal Culinâr e la Cjargne.
In sostance, in buine part des zonis indagadis, almancul une persone su 2 e fevele par furlan e une su 4 e podarès tornâ a ativâ la sô competence te lenghe furlane se e ven stiçade a doprâlu.
Il sens di apartignince e la identitât furlane si afermin in maniere decise. La lenghe furlane, di fat, e reste ben presinte te plui part dal teritori furlan e e rapresente une part fondamentâl dal patrimoni linguistic e culturâl dal Friûl.
Cumò i ricercjadôrs a son impegnâts tal analizâ in maniere complessive il grant numar di dâts cjapâts sù, cul obietîf di publicâju ducj dentri de fin dal 2024.
Lei ca sot i prins dâts de ricercje sociolinguistiche.
Consulte i materiâi
| Ogjet | Cjale |
| I prins risultâts de ricercje sociolinguistiche "Tire fûr la Lenghe" |
|
