Ogni martars aes 14.20 e aes 21.20, cuntune repliche di vinars, a van in onde i programs produsûts de sede RAI regjonâl
Tignît di voli il canâl 810 dal digjitâl terestri (Rai 3 bis): al è culì, di fat, che i furlans a puedin sintonizâsi par viodi la gnove programazion televisive par furlan inmaneade de RAI regjonâl. L’acuardi tra la Presidence dal Consei e la RAI, in vore dal 1n di Otubar dal 2020 fin ai 21 di Avrîl dal 2021, al à zontât pe prime volte 30 oris intun an di trasmissions televisivis par furlan, adun cuntun potenziament de produzion radiofoniche, che e passe di 90 a 120 oris.
Rai 3 bis (canâl 810) al trasmet ogni martars programs in lenghe furlane par grancj e par piçui, in dôs fassis orariis di pueste.
Des 14.20, dopo dal TGJ regjonâl, une selezion di cartons animâts par furlan e puartarà ligrie e divertiment intai dopodimisdîs dai plui piçui.
Inte fasse serâl invezit, des 21.20, la ufierte culturâl e je pardabon varie. A laran in onde spetacui teatrâi, films, videos e sitcoms par furlan. Tra chescj, colaborazions di presi che a rindaran la lenghe furlane une protagoniste gnove e impuartante pal palinsest de Rai.
Dutis lis trasmissions a laran in repliche ogni vinars: chês pai fruts aes 14.20 e chês dal palinsest serâl, simpri aes 21.20.
Ve culì il palinsest inzornât, cui programs in onde il martars aes 21.20 e in repliche il vinars ae stesse ore:
Martars ai 5 di Novembar
RISIERVE DI BIOSFERE DES ALPS JULIIS Vivi in armonie cu la montagne di Ivo Pecile e Marco Virgilio
PERAULIS, produsût di Agherose in colaborazion cun Societât Filologjiche Furlane.
Martars ai 12 di Novembar
LIS AGANIS – Val Cjanâl, regjie di Giorgio Cantoni
CARLO DALLA MURA e il CRAF di Antonia Pillosio, produsût de Sede RAI dal F-VJ
INT IN VORE regjie di Marco D’Agostini
Martars ai 19 di Novembar
CARLO DALLA MURA e il CRAF di Antonia Pillosio, produsût de Sede RAI dal F-VJ
MUSE A MUSE – Ulderica Da Pozzo, produsût di Agherose
